محترم شیخ الوظائف صاحب السلام علیکم!اللہ تعالیٰ کا خاص احسان ہے کہ آپ جیسے رہبر و راہنما کا ساتھ نصیب ہوا۔ گردش ایام ‘بیماریوں‘ مصائب اور نت نئی آزمائشوں نے ہمیں بے بس اور مجبور کر کے رکھ دیا تھا۔ہم بہت پریشان تھے ‘ کچھ سمجھ نہیں آرہاتھا کہ یہ مسائل کس وجہ سے ہیں؟کیونکہ ہر آئے دن کسی نہ کسی آفت اور پریشانی میں مبتلا ہو جاتے تھے‘ کوئی جادو کا نام دیتا‘ کوئی بندش اور ساڑھ ستی کا کہتا ‘ہر کوئی مسائل ہی بتاتا مگر حل کوئی بھی نہ کر سکا۔
شوہر کا انتقال
میری صحت خراب‘ بھوک نہ لگتی اور اگر کچھ کھا لیتی تو ہضم نہ ہوتا‘ پیٹ میں تکلیف شروع ہو جاتی۔اس کے علاوہ ایسے محسوس ہوتا جیسے دماغ کو کسی نے جکڑ لیا ہو‘منہ میں چھالے بنے ہوئے تھے جو کسی بھی دوا سے ختم ہونے کا نام نہیں لے رہے تھے۔اس کے علاوہ اور بہت سے گھریلو مسائل تھے ۔ اس دوران ایک بہت بڑی آزمائش آئی جب میرے شوہر کا انتقال ہو گیا۔تسبیح خانہ سے تعارف ہونے کے بعد اعمال کی طاقت نے میرے اندر یہ یقین پیدا کیا کہ اللہ تعالیٰ کے نام کی برکت سے ان شاءاللہ یہ مسائل ضرور ختم ہوں گے۔ یوٹیوب پر آپ کی ساڑھ ستی والی ویڈیوز دیکھیں جس میں آپ نےکئی واقعات بیان کیے اس سے یقین مزید پختہ ہو گیا۔
کافی تگ و دو کی مگر ناکام ہوگئے
پھر ان دنوں تسبیح خانہ لاہور میں کالی دنیا ‘ کالے لوگ‘کالے روگ اور دعا ئے حضرت علیؓ کی گیارہ جمعراتوں والا عمل شروع ہوا۔میں نے پوری توجہ‘ یقین اور دھیان کے ساتھ ان اعمال میں باقاعدگی کے ساتھ شامل ہوئی اور گھر جا کر بھی کالی تھیلی والا عمل کرتی رہی ۔اللہ تعالیٰ کا خاص کرم یہ ہوا تھا کہ شوہر کے ہوتے ہی انہیں جائیداد میں حصہ مل گیا تھا مگر ان کا کاروبار زوال پذیر تھا‘بچے جوان ہو چکے تھے ‘ انہوں نے کافی تگ و دو کی مگر کامیاب نہ ہو سکے۔جب تسبیح خانہ لاہور میں کالی دنیا‘ کالے لوگ‘ کالے روگ اور دعائے حضرت علیؓ والا عمل کرنا شروع کیا تو اللہ تعالیٰ کی غیبی مدد کا نظارہ آنکھوں سے دیکھا۔
گھریلو معاملات
کاروبار میں بہتری آنا شروع ہو گئی جس سے گھر کے معاملات بھی بہتر ہونا شروع ہو گئے۔گیارہ جمعراتوں کے اس عمل سے ایسی انوکھی برکت ملی ہے کہ اگر کبھی آمدن کم بھی ہو تو الحمدللہ اس میں اس قدر برکت ہوتی ہے کہ ہمارا گزر بسر آسانی کے ساتھ ہو جاتا ہے۔بیماریوں کی شدت میں بھی کمی آئی ہے اور گھرکے باقی مسائل بھی بہتر ہو رہے ہیں۔الحمدللہ اب زندگی میں سکون اور چین نصیب ہوا ہے۔اب کوشش ہوتی ہے کہ ہر شب جمعہ کی محفل میں لازمی شریک ہوں کیونکہ ان کی برکت سے اللہ تعالیٰ نے مشکلات کو آسان کر دیا ہے ‘ روحانی محفل کے بعد مانگی جانی والی دعائیں اللہ پاک کی بارگاہ میں قبول ہوتی ہیں۔تسبیح خانہ مجھ جیسے بے شمار دکھی لوگوں کے لئے جائے پناہ ہے۔اللہ تعالیٰ مجھے اور میری نسلوں کو سدا تسبیح خانہ سے جوڑے رکھے‘ آپ کی ‘ آپ کی نسلوں ‘ تسبیح خانہ کو ہر فتنے اور شر سے محفوظ رکھے‘ آمین!